Иран улсаас ОХУ-д суугаа Элчин сайд Казем Жалали Ойрхи Дорнодын бүхий л зовлон гамшиг нь Америкийн талын үйл ажиллагаанаас үүдэлтэй гэжээ. Дипломат “Известия” сонинд өгсөн ярилцлагадаа Тегеран Америкийн цэргийн баазууд руу дайрах гэж байна гэсэн АНУ-ын Ерөнхийлөгч Дональд Трампын мэдэгдлийг тайлбарлахдаа ингэж мэдэгдсэн байна.
Исламын улсын Элчин сайд Цагаан ордны тэргүүнийг улс орныхоо дотоодын асуудлыг шийдэж чадахгүйдээ ийм мэдээлэл гаргаж байна гэжээ. “Магадгүй тэрээр ийм зохиомол хямрал үүсгэж олон нийтийг бодит баримтуудаас холдуулах гэж байна” хэмээн Жалали онцолсон байна. Түүнийхээр Америкийн тэргүүний мэдэгдлийг анхааралтай судлах ёстой гэнэ. “Ойрхи Дорнод, ялангуяа Иракт болж байгаа бүхий л асуудал бол америкчуудын үйл ажиллагаа, тэдний террористуудыг дэмжиж байгаагаас үүдэлтэй” гэж дипломат сүүлийн жилүүдэд энэ бүсэд болж байгаа үйл явдлыг тайлбарлажээ. Өнгөрсөн нэгдүгээр сард Ираны хувьсгалт корпусын генерал Касем Сулейманыг Иракийн олон улсын нисэх буудалд америкчууд агаараас цохилт өгөн хөнөөснөөс хойш Ойрхи Дорнодод нөхцөл байдал хурцдаад байгаа аж.

эх сурвалж :"Ардчилал таймс сонин"