Эквадорын Ерөнхийлөгч Ленин Морено коронавирусийн халдварын тархалтаас үүдсэн хямралын үед нефтийн үнэ унаж, төсвийн хомсдол үүссэнтэй холбогдуулан бүх шатны албан тушаалтнуудын цалинг 50 хувь бууруулахаар шийдвэрлэж байгаагаа өнгөрөгч ням гарагт Twitter хуудсандаа бичжээ. “Би ерөнхийлөгч, дэд ерөнхийлөгч, сайд, дэд сайдуудын сар тутмын цалинг 50 хувь бууруулахаар шийдвэрлэлээ” гэж тэр бичсэн байна. Цалингийн энэ таналт бас үндэсний парламентын гишүүд, орон нутгийн төрийн албан хаагчдад бас хамаатай гэжээ.
Эквадорын тэргүүн үүний өмнө баасан гарагт төсвийн бус үүсвэрээс хүмүүнлэгийн тусламжийн сан байгуулах, иргэний нийгэм, томоохон бизнесийн татварыг бүрэн хураах хэрэгтэй байгаа талаар зарласан. Энд жилийн нэг сая ам.долларын орлоготой компани гурван сарын хугацаанд орлогын таван хувийг санд төвлөрүүлэх гэнэ. Үүнээс гадна энэ санд иргэд есөн сарын хугацаанд 500 ам.долларын орлогоос татвар (сар бүр хоёр ам.доллар) төлөх ёстой болж байна. Хамгийн өндөр татвар нь 50 мянган ам.доллароос давсан орлоготой компани 4400 ам.долларын татвар төлөх юм байна.
Энэ оны хоёрдугаар сарын 29-нд Испаниас ирсэн хүнээс коронавирусийн халдварын анхны тохиолдол илэрсэн Эквадорт өнөөдрийн байдлаар уг өвчний 7000 гаруй тохиолдол илэрч 333 хүн нас бараад байгаа юм.

эх сурвалж :"Ардчилал таймс сонин"