Францын Ерөнхийлөгч Эммануэль Макрон ард түмэндээ хандаж үг хэлэх үеэр шинэ коронавирусийн халдварын тархалтын эсрэг тэмцэх өнөөгийн туршлага нь Франц улсыг эдийн засгаа бэхжүүлэх, эдийн засгийн тусгаар байдалтай болгох ёстойг харууллаа гэсэн байна. “Ойрын долоо хоногт бид Франц улс энэ халдварын дараа ямар байх вэ гэдэгт бэлтгэх ажлыг эхлүүлэх хэрэгтэй байна. Бид эдийн засгаа сэргээж, үйлдвэрлэлийн түвшингээ нэмэгдүүлэн, илүү хүчирхэг, санхүүгийн тусгаар байдалтай болгох шаардлага гарч ирж байна. Мөн хөдөө аж ахуй, анагаах ухаан, аж үйлдвэр, технологийн хувьд Франц тусгаар байж, Европын хувьд стратегийн бие даасан байх шаардлага гарч ирлээ” гэж Францын тэргүүн хэлснийг ТАСС агентлаг эш татжээ.
Э.Макрон бас Засгийн газар улс орны бүхий л салбарын хөгжлийн төлөвлөгөөг 2020 оны тавдугаар сарын 11 гэхэд бэлэн болгоно гэсэн байна. Гэхдээ Европын холбооны бүхий л улс оронтой хамтын ажиллагааг нэмэгдүүлнэ гэдгээ Эммануэль Макрон тэмдэглэжээ. “Бид хэзээ ч ганцаараа ялж чадахгүй. Манай гаргийн хагарал бутралаас зайлсхийхийн тулд бидэнд хамтын ажиллагаа, эв нэгдлийн шинэ сүлжээ зайлшгүй хэрэгтэй” гэж Францын Ерөнхийлөгч хэлсэн байна.
Франц коронавирусийн халдварын улмаас тогтоосон хөл хориогоо тавдугаар сарын 11 хүртэл сунгахаа үүний өмнө мэдэгдээд байгаа юм. Хөл хориог цуцалсан ч гэсэн олон нийтийн арга хэмжээг зургадугаар сарын дунд хүртэл хориглоно гэсэн юм.

эх сурвалж :"Ардчилал таймс сонин"