Коронавирусийн халдварын тархалтаас болоод хөл хорио тогтоогоод байсан үед Брюсселийн гудамжаар найзуудтайгаа скутерээр гулгаж явсан 19 настай залууг эргүүлийн цагдаа тусгаарлалтын дэглэм сахихыг анхааруулжээ. Гэтэл залуу хууль сахиулагчдаас зугтааж яваад замын цагдаагийн ажилтнуудын машинд мөргүүлж амиа алдсан нь олон нийтийн дургүйцлийг төрүүлж эмх замбараагүй байдал үүсэх шалтгаан болсон байна.
Брюсселийн залуучууд бөөнөөрөө гудамжинд гарч цагдаа нар луу чулуу мод шидлэн эд зүйл эвдлэн дургүйцлээ илэрхийлжээ. Тэд гудамжны сандлуудыг ховхолж хаян, хууль сахиулагчдын машин руу элдэв зүйл шидэлсэн байна. Цагдаагийнхан аргагүйдэн усан буу хэрэглэж тараан, 50 орчим хүнийг саатуулан цагдаагийн хэсэгт аваачжээ. Хотын дарга Андерлехт Фабрис Кампсын хэлснээр олон нийтийн энэ эмх замбараагүй байдлын гол шалтгаан нь тэр залуугийн үхэл ч биш, хүмүүс хөл хорионд орж гэртээ сууж залхсанаас үүдэлтэй гэсэн байна.

эх сурвалж :"Ардчилал таймс сонин"