Газрын тосны эрэлт эрс буурсантай холбогдуулаад Америкийн нефтийн Texland Petroleum LP компани нефть олборлолтоо зогсоолоо гэж The Wall Street Journal хэвлэл мэдээлсэн байна. Тус компанийн ерөнхийлөгч Жим Уилкесийн хэлж байгаагаар Texland компани өөрийн 73 ажилчин ажилтандаа цалинг нь өгөхөд зориулж дэмжлэг үзүүлээч хэмээн Вашингтонд хандаж байгаа юм байна. Үүнээс гадна газрын тос олборлогч Continental Resources компани энэ сараас олборлолтын хэмжээгээ 30 хувь хорогдуулаад байна. Компанийн тогтвортой үйл ажиллагаа алдагдаад байна гэж тэд мэдээлжээ. Гуравдугаар сард бас Америкийн нефтийн томоохон Exxon Mobil, Royal Dutch Shell компаниуд үйлдвэрлэл буурснаас болооод зардлаа 50 тэрбум ам.доллароор танаж байгаагаа мэдэгдсэн.

эх сурвалж :"Ардчилал таймс сонин"