Улс орнууд хилээ бүтэн жилээр хаасан хэвээр байх хэрэгтэй гэж Чехийн Ерөнхийлөгч Милош Земан F1 радиостанцаар ярих үеэрээ санал дэвшүүлснийг РИА Новости агентлаг дамжууллаа. Ийм арга хэмжээ нь  коронавирусийн халдварын шинэ дэгдэлтээс зайлсхийх гол арга болно гэж тэр онцолжээ. “Ийм нөхцөл байдлыг ашиглаад манай эх орон нэгт ард иргэд улс орныхоо сайн сайхантай танилцах хэрэгтэй гэж бодож байна” гэж М.Земан хэлсэн байна. Ийм саналыг үүний өмнө тус улсын Эрүүлийг хамгаалахын сайд Роман Прымула бас гаргаж байсан. Түүнийхээр Европын холбооны улс орнууд хилээ бүр хоёр жилээр хаах хэрэгтэй гэнэ. Одоо бол Шенгений орнуудын дотор ард иргэдийн зорчих хөдөлгөөнийг Еврокомисс тавдугаар сарын 15 хүртэл хориглоод байгаа. Дэлхийн эрүүл мэндийн байгууллагаас өнгөрөгч гуравдугаар сарын 11-нд цар тахал хэмээн зарласан коронавирус SARS-CoV-ийн халдвараар манай гаргийн 2.4 сая хүн өвчилж 164 мянган хүн нас бараад байна.

эх сурвалж :"Ардчилал таймс сонин"