Коронавирусийн энэ дэгдэлт дуусахад Украин улс тусгаар тогтносон хэвээр үлдэх эсэх нь эргэлзээтэй байна гэж Дээд Радагийн депутат асан Анна Герман мэдэгджээ. Тэрээр “112 Украин” телевизээр ярихдаа төр засгийн эрх баригчдын эмх замбараагүй үйл ажиллагааг шүүмжилсэн байна. Өнөөгийн эрх баригчид ирээдүйн тухай огт бодохгүй байгаа нь тун эмгэнэлтэй үр дагаварт хүргэж мэднэ гэж тэр тэмдэглэжээ. Украины улстөрчид Олон улсын валютын сангийн шинэ зээл авахад л анхаараад байгаагаас биш, “вирусийн тархалт”-ын талаар бодохгүй, үүнд ч бэлтгэж эхлээгүй байна гэж экс-депутат шүүмжилсэн байна. “Эрт орой хэзээ боловч энэ вирусийн халдварын дэгдэлт дуусна, харин Украин улс байх эсэх нь асуудал. Би энэ талаар телевизээр ярих бүртээ хэлж байгаа ч харамсалтай нь надад өөдрөг хариу олдохгүй л байна” гэж А.Герман хэлжээ.
Украины Дотоод хэргийн сайд Арсен Аваков, Засгийн газрын тэргүүн асан Алексей Гончарук нар бас энэ цар тахлын үед Украины эдийн засаг сүйрэлд орж байна гэж өнгөрсөн гуравдугаар сард мэдэгдэж байсан. Эдийн засагчид ч бас дэлхийн хямрал, гадаад өр Украины эдийн засгийг сүйрүүлэн энэ тав, зургадугаар сар гэхэд Киев өрөө дарж чадахаа больж дефолт зарлан үндэсний мөнгөн тэмдэгт гривений ханш унаж, аж ахуй нэгж байгууллагууд дампууран, үнэ өснө гэж урьдчилан анхааруулаад байгаа.

эх сурвалж :"Ардчилал таймс сонин"