Хятадтай нэгдэх тухай хуулийг эсэргүүцсэн Хонконгийн олон нийтийн жагсаалд даваа гаргийн шөнө сая гаруй хүн оролцож Хууль тогтоох зөвлөлийн байранд нэвтрэхээр дайрсан байна. Хууль сахиулагчид төмөр хаалт босгосон ч хүмүүс түрхэрсээр байсан тул хаймар бороохой, чинжүүтэй ус, хий ашиглахад хүрчээ. Жагсагчид, олон нийтийн мөргөлдөөний үеэр хууль сахиулагчдаас нэг хүн шархдаж, хэд хэдэн сэтгүүлч бэртэж гэмтсэн байна. Жагсаал цуглаан эхлээд зохион байгуулалттай, тайван болж байсан ч Виктория паркаас Адмиралти дүүрэг дэх Засгийн газрын цогцолбор луу маршаар явжээ. Жагсагчид БНХАУ-д нэгдэж, тус районы өөрөө удирдах засаглалд Хятадын Засгийн газрын хяналтыг хүчтэй болгох тухай хууль гаргахаар бэлтгэж байгааг эсэргүүцэж байгаагаа илэрхийлж байна. Харин орон нутгийн засаг захиргаа энэ хүрээнд нэгдэхэд бэлтгэж байгаа юм байна. Хятадын хууль сахиулах байгууллагууд Хонконгийн иргэдийг Хятадын хуулийг зөрчиж байна гэж үзэж байгаагаас ийм хуулийн төсөл боловсруулахад хүрсэн гэдэг. Харин сөрөг хүчин болохоор ингэснээр Бээжингийн хяналт улам ихэсч Хонконгийн дотоод хэрэгт оролцох болно гэж эмзэглэж байна. Ингэж нэгдвэл хятадууд зөвхөн эрүүгийн гэмт хэрэгтнүүд, авлигачидтай тэмцээд зогсохгүй цаашлаад хүний эрхийг хамгаалагчид, сөрөг хүчнийхний эсрэг ажиллаж эхэлнэ гэнэ.
Энэ хуулийн төсөл сүүлийн долоо хоногуудад дуулиан болж, Хонконгийн олон нийт, сөрөг хүчнийхэн эсэргүүцлийн хөдөлгөөн өрнүүлж байгаа юм.