Өнгөрөгч 2018 онд Оросын ядуу иргэдийн тоо 12.9 хувь буюу 400 мянган хүнээр буурсан гэж ОХУ-ын Ерөнхий сайдын орлогч Татьяна Голикова мэдэгдсэн байна. Оросын Хөдөлмөрийн яам үүний өмнө ядуу иргэдийн тоо 2017 онд хүн амын 13.2 хувийг эзэлж байна гэж мэдээлж байсан юм. Энэ тоог Хөдөлмөрийн яам 2024 он гэхэд 6.6 хувь болгон бууруулна гэж байгаа юм.
Ядуусын тоог хоёр дахин бууруулах нь манай үндэсний гол, номер нэг зорилт гэж хэлснийг РИА Новости агентлаг дамжуулжээ. Энэ нь нэг талаас ард иргэдэд үзүүлэх нийгмийн дэмжлэг, нөгөө талаас эдийн засгийн өсөлттэй шууд хамааралтай гэнэ. Ядуу хүн амын бараг тал хувь болох 40.5 хувь нь өнөөдөр Тувад амьдарч байгаа гээд энэ нь хүн ам сийрэг, төрөлт өндөртэй холбоотой, ялангуяа олон хүүхэдтэй айлууд ядуу байгаа гэнэ. Ядуурал хамгийн бага нэгжээр Белгород муж, Ямало-Ненец тойрог орж байна.