Хятад улс үндэсний цөөнхийг мөрдөн мөшгөж, уйгур, болон бусад үндэсний цөөнх нэг сая гаруй хүнийг улс төрийн лагерьт илгээн үзэл суртлын дахин хүмүүжүүлэх ажил хийж байна гэсэн шүүмжлэлийг БНХАУ-ын Дотоод хэргийн сайдын орлогч Жан Ханьхуэй няцаагаад энэ бол зохиомол буруутгал гэжээ.
Түүнийхээр бол энэ яриаг “тодорхой хүмүүс, тодорхой бус ашиг сонирхлын үүднээс” БНХАУ-ын эсрэг, бидний Шинжаан-Уйгурын автономит районы талаар явуулж байгаа бодлогын эсрэг зохион байгуулалттай кампани өрнүүлж байгаа гэнэ.

“Тэд боловсрол олгох, мэргэжлийн бэлтгэлийн төвүүдийг уйгуруудыг бөөнөөр хорих лагерь гэж үзэж байна” хэмээн орлогч сайд хэлжээ. Тэр бас ийм төвүүдэд нэг сая хүн байгаа гэдэг ч бодит тоо биш гээд Хятадын хөгжлийг хүлээн зөвшөөрөх сонирхолгүй хүмүүс, олон улсын нийгэмлэг дэх тодорхой хүчин л хүйтэн дайны үеийн сэтгэлгээгээр ийм мэдээлэл түгээж байгаа юм гэсэн байна.
Хятадад уйгур угсаатныг мөрдөн мөшгөж байна гэж НҮБ-ын Арьсны өнгөөр ялгаварлахын эсрэг хороо өнгөрсөн онд мэдэгдсэн юм. Энэ байгууллагын шинжээчдийнхээр бол БНХАУ исламын шашны суннит урсгалыг дэмждэг уйгуруудад зориулан “дахин хүмүүжүүлэх лагерь” гэгчийг байгуулсанд 2018 оны байдлаар 800 мянгаас хоёр сая хүн байгаа гэжээ.