Хятадын Ухань хотын Вирус судлалын хүрээлэнгийн тэргүүн Юань Жимин өнөөдөр­төө хүн төрөлхтөнд вирусийг, ялангуяа шинэ төрлийн коро­на­вирусийн халдвартай яг адил шинж чанартай вирус зо­хиом­лоор бүтээх нөөц боломж хараахан байхгүй гэж мэдэгдсэн байна. Тэр бас ийм вирусийг зохиомлоор бү­тээсэн гэсэн ямар ч баримт нотолгоо байхгүй гэж баталжээ. Түүнийхээр зарим мэргэжилтэн COVID-19 вирусийг зохиомлоор бүтээсэн гэж яриад байгаа ч үнэндээ “ингэж вирус бүтээх нь бүхий л хүн төрөлхтний боломжоос давж гарсан зүйл” гэсэн байна. “Хүн төрөлхтөн ийм вирус бүтээх хангалттай мэдлэг хуримтлуулсан гэдэгт би итгэхгүй байна” гэж Жимин онцлон тэмдэглэжээ.
Ухань хотод өнгөрсөн 2019 оны арванхоёрдугаар сарын 31-нд цоо шинэ төрлийн вирусийн халдвар гарлаа гэж Хятадын засаг захиргаа мэдэгдсэн. Энэ шинэ вируст албан ёсоор COVID-19 гэсэн нэр өгөөд дэлхийн бараг бүх улс оронд тархаад ирэхээр нь Дэлхийн эрүүл мэндийн байгууллага гуравдугаар сарын 11-нд энэ халдварын тархалт цар тахлын хэмжээнд хүрлээ гэж зарласан. АНУ болон зарим улс орон энэ вирусийг Хятадын Ухань хот дахь вирус судлалын лабораторид бүтээсэн гэж шүүмжилж байгаа.

эх сурвалж :"Ардчилал таймс сонин"