Хэдийгээр хуучин Зөвлөлт холбоот улс дахин сэргэх вий гэсэн айдас байгаа ч гэсэн энэ бүрэлдэхүүнд байсан улс орнууд хамтын хүчин чармайлтаа бэхжүүлэх нь бүгдэд ашигтай гэж ОХУ-ын Ерөнхийлөгч Владимир Путин “Россия 1” телевизийн “Москва, Кремль, Путин” хөтөлбөрт оролцох үеэрээ мэдэгдсэн байна. “Би үүний давуу талыг мэдэрч байна, энэ үйл явцад оролцогчид ч энэ давуу талыг мэдэрч байгаа болохоор бид урагш ахиж, шинэ алхам хийн урагшлах болно” гэж В.Путины хэлснийг “Вести” хэвлэл эш татжээ.
Энэ бол В.Путины бүр аравдугаар сард өгсөн багавтар ярилцлага ч, телевиз сая л анх удаагаа нэвтрүүлсэн байна. В.Путиныхээр бол Зөвлөлт холбоот улсын бүрэлдэхүүнд багтаж байсан улс орнууд энэ нэгдэл холбоогоор дамжуулан өрсөлдөх чадвараа дээшлүүлэх ёстой гэнэ. Ерөнхийлөгч бас энэ улс орнуудын хүн ам нь бүгд оросоор ярьдаг, ерөнхийдөө нэгдсэн дэд бүтэцтэй гэж тэмдэглэжээ. “Энэ бол интеграцчлах хамгийн давуу тал” гэж В.Путин онцолсон байна. Евразийн эдийн засгийн холбооны эсрэг “Барууны орнуудын эсэргүүцэл” нь зүгээр л өрсөлдөөний айдас гээд бидний энэ холбоо бол цэргийн ч биш, улс төрийн ч биш зөвхөн эдийн засгийн холбоо нэгдэл гэж онцлон тэмдэглэжээ. В.Путин “Бид ердөө л манай хүмүүсийн амьжиргааны түвшинг дээшлүүлж сайн сайхан байдлыг нь нэмэгдүүлэхийг хүсч байна” гэсэн байна. 2015 оны нэгдүгээр сарын 1-нд байгуулсан Евразийн эдийн засгийн холбоонд Орос, Армени, Беларус, Казахстан, Киргиз улсууд багтдаг.

эх сурвалж :"Ардчилал таймс сонин"