ОХУ-д коронавирусийн халдвар авсан хүний тоо сүүлийн нэг өдрийн дотор 5236-аар нэмэгдэж, 57999 боллоо. Одоогийн байдлаар 4420 хүн эдгэрч, 513 хүн нас бараад байна гэж тус улсын коронавирустэй тэмцэх шуурхай штаб мэдээлжээ. Шинээр илэрсэн тохиолдлуудын 2275 нь буюу 43.3 хувь нь халдварын шинж тэмдэггүй байсан байна. ОХУ-ын нийслэл Москва хотод 2548 тохиолдол шинээр илэрсэн бөгөөд тус хотод халдвар авсан хүний тоо 31981 болжээ. Тус улсын 75 бүс нутагт шинэ тохиолдол илэрсэн байна. Нэг хоногийн дотор коронавирусийн халдвараар нас барсан 28 тохиолдол бүртгэгдсэн бана. Үүнээс Москва хотод болон Москва мужид тус бүр долоо, Краснодарын хязгаар, Санкт-Петербург болон Ингушет улсад тус тус гурав, Калуга мужид хоёр, Волгоград, Воронеж, Киров, Доод Новгород, Орлов болон Тула муж, Бүгд Найрамдах Адыгей, Коми, Чечень улсуудад болон Ставрополийн хязгаарт тус бүр нэг хүн нас баржээ.