АНУ-ын Миссисипи мужийн ерөнхий проукрор Линн Митч шинэ төрлийн коронавирусийн халдвар тархаж эхэлсэн тухай мэдээллийг нууцалсан хэмээн БНХАУ-ын эрх баригчдын эсрэг нэхэмжлэл гарган шүүхэд өгч байгаагаа лхагва гарагт албан ёсны сайтаараа дамжуулан мэдэгджээ. “Хятад улс энэ мэдээллийг нууцалсны уршгаар Миссисипи мужийн маш олон хүн уг вирусийн халдвараар өвчиллөө. Ийм явдал хариуцлага хүлээхгүйгээр өнгөрөх ёсгүй. Миссисипи мужийн иргэд шударга ёсыг шаардаж байгаа учраас би энэ хэргийг шүүхэд өгч байна” гэж Л.Митчийн мэдэгдэлд дурджээ. Түүнийхээр БНХАУ-ын эрх баригчдын үйлдлээс болж тус мужийн олон иргэн өвчилж, нас баран, олон мянган хүн ажилгүй болсон гэнэ. Миссисипийн ерөнхий проукрор бас АНУ-ын Конгрессыг Миссури мужийн ерөнхий прокурор Эрика Шмиттийн Хятадын эсрэг гаргасан нэхэмжлэлийг дэмжихийг уриалсан байна. Тэрбээр Хятадын эрх баригчдыг коронавирусийн дэгдэлтийг нууцалсэн хэмээн буруутгаж мужийнхаа зүүн тойргийн холбооны шүүхэд гомдол мэдүүлэн нэхэмжлэл гаргасан. Э.Шмитт БНХАУ-ын Засгийн газар, коммунист нам, хэд хэдэн албан тушаалтан 2019 оны сүүлчээр тархаж эхэлсэн вирусийн тархалт, өвчилсөн хүмүүсийн тухай мэдээллийг нууцалснаар энэ халдвар тархаж Миссури мужийн олон иргэн нас барж, эдийн засагт ч асар их хохирол учирсан гэжээ. Жон Хопкинсийн их сургуулийн мэдээгээр АНУ-д коронавирусийн 834 мянган тохиолдол бүртгэгдэж 45.9 мянган хүн нас бараад байна. 

эх сурвалж :"Ардчилал таймс сонин"