Шинэ төрлийн коронавирусын халдварын улмаас дэлхий даяар нас барагсдын тоо 200 мянгыг давлаа гэж улс орнуудын засгийн газрын албан ёсны мэдээлэл, шинжээчдийн хэвлэл мэдээллийн хэрэгслүүдэд өгсөн мэдээг үндэслэн ТАСС агентлаг мэдээлсэн байна.
Хамгийн сүүлийн мэдээгээр манай гаргийн хоёр сая 925 мянган хүн энэ өвчний халдвараар өвчилж тэдний 7.05 хувь болох 203308 хүн нас баржээ. Эднээс 100 мянган хүн нь дөрөвдүгээр сарын 10-наас өмнө нас барсан байгаа бол сүүлийн хоёр долоо хоногийн дотор энэ тоо хоёр дахин нэмэгдсэн байна. Харин халдвар тархаж эхэлснээс хойш 837 мянган хүн эмчлүүлэн эдгэрчээ. Нас барагсадын дийлэнх нь АНУ-д байгаа бол нийт өвчилсөн хүний гуравны нэг нь мөн АНУ-д байна. Америкт нийтдээ халдвар авсан нийт хүний 5.67 хувь болох 54.2 мянган хүн нас бараад байгаа юм. Хоёрдугаарт орж байгаа Италид өвчилсөн хүмүүсийн 13.51 хувь нийт 26384 хүн нас барсан бол, гуравдугаарт орж байгаа Испанид өвчлөгсөдийн 10.24 хувь 22902 хүн нас барсан байна.
Орост холбооны шуурхай штабын мэдээлж байгаагаар коронавирусийн халдварын 74588 тохиолдол бүртгэгдэж 6250 хүн эдгэрэн 681 хүн нас бараад байна.

эх сурвалж :"Ардчилал таймс сонин"