Шинэ төрлийн коронавирусийн дэгдэлтээс болоод АНУ болон бусад хэд хэдэн орон махны хомсдолд орж болзошгүй байна хэмээн хэвлэл мэдээллийн хэрэгслүүд бичиж байна. Гахайн мах үйлдвэрлэдэг америкийн үйлдвэрүүдийн гуравны нэг нь коронавирусийн дэгдэлтээс болоод хаалгаа бариад байна гэж Bloomberg мэдээлснийг РИА Новости дамжуулжээ. Тахианы мах үйлдвэрлэдэг хэд хэдэн том фабрик дөрөвдүгээр сарын 24-нд мөн хаагдсан байна. Үүнээс болоод хэдэн долоо хоногийн дараа махны хомсдол нүүрлэж мэднэ гэж агентлаг мэдээлжээ. Гахайн болон тахианы мах үйлдвэрлэлээр томд ордог Бразильд ч бас ийм нөхцөл байдал үүсч мха үйлдвэрлэлээрээ дэлхийд тэргүүлдэг JBS SA фабрик хаалгаа барьжээ. Канадын фабрикууд ч хаагдаж эхэлсэн байна. АНУ, Канад, Бразил улсууд дэлхийн мах үйлдвэрлэлийн гуравын хоёр хувийг үйлдвэрлэдэг. АНУ-д махны бөөний үнэ хэдийнээ өсч үхрийн болон гахайн махны үнэ дээд хэмжээнд өсч, гахайн махны үнэ гэхэд л долоо хоногийн дотор 30 хувь өсчээ. АНУ-ын махны арав гаруй үйлдвэрийн ажиллагсадын дундаас коронавирусийн халдвар илэрснээс болоод үйлдвэрлэлийн хэмжээ нь буурч байна хэмээн хэвлэлүүд үүний өмнө мэдээлж байсан юм.

эх сурвалж :"Ардчилал таймс сонин"