Коронавирусийн халдварын тархалтын үеэр жижиг дунд аж ахуйн нэгжүүд, хөдөө аж ахуйн салбарын ажиллагсад, хувиараа хөдөлмөр эрхлэгчид, хөдөлмөрийн цагаач, дүрвэгсэд илүүтэй өртөж ажилгүй болно гэж НҮБ-ын шинжээчид таамаглаж байна. Дэлхий дахиныг хамраад байгаа цар тахлын улмаас энэ оны хоёрдугаар улиралд манай гаргийн 195 сая хүн ажлын байраа алдаж магадгүй гэж НҮБ-ын тараасан илтгэлд дурджээ. “Коронавирус COVID-19-өөс үүдэлтэй энэ хямрал дэлхийн эдийн засагт түүхэнд байгаагүй ажилгүйдэл, ядуурал авчирна” гэж НҮБ-ын шинжээчид илтгэлдээ тэмдэглэсэн байна.
Орост гэхэд л бүртгэлтэй ажилгүйчүүдийн тоо өнөөгийнхөөс зургаа дахин өсч 5.3 саяд хүрнэ гэж Эдийн засгийн дээд сургуулийн эрдэм шинжилгээний хүрэлээнгийн гаргасан судалгааг “Известия” сонин даваа гарагт нийтэлжээ. Оросын Эдийн засгийн дээд сургуулийн ректор Ярослав Кузьминов бас “Коронавирусийн халдварын тархалтаас болоод Оросын дунд давхаргынхан ядуурал руу гулсан орж магадгүй байна” гэж мэдэгдсэн. Түүнийхээр нийгмийн бүхий л давхаргынхны орлого эрс буурч, энэ нь дунд давхаргынханд илүүтэй нөлөөлөх гэнэ. “Баячууд ядуурлаа ядуурлаа гэхэд баянаараа л үлдэнэ, ядуу нь бол ядуу хэвээрээ л байна. Харин дунд давхаргынхан бол ядуурал руу орох эрсдэл өндөр” гэж Кузьминов тэмдэглэжээ.

ЭХ СУРВАЛЖ: "АРДЧИЛАЛ ТАЙМС" СОНИН