Өнөөдөр Америкийн 4000 цэрэг байгаа Польшид АНУ дахиад нэг мянган цэрэг илгээхээр зэхэж байна гэж “Defence One” сайт өөрийн эх сурвалжаас авсан хэмээн мэдээлсэн байна. Хэвлэлд бичсэнээр бол нэмж илгээх цэрэг байлдааны үүрэг гүйцэтгэхгүй, материал техникийн хангамжийн ажил хариуцах гэнэ.
Польшид нэмж цэрэг илгээх гэж байгаа Вашингтоны төлөвлөгөөний талаар “Financial Times” хэвлэл зургадугаар сарын эхээр бас мэдээлж байсан юм. Энэ ажлаа Польшийн Ерөнхийлөгч Анжей Дудагийн АНУ-д хийх айлчлалын үеэр амжуулахаар төлөвлөж байгаа хэмээн хэвлэлд тэмдэглэжээ.

Энэ төлөвлөгөө хэрэгжвэл Польшийн нутаг дахь Америкийн цэргийн албан хаагчдын тоо 5500-д хүрэх юм. Варшав Оросын зүгээс ирж мэдэх аюулаас болгоомжлон нутагтаа гадаадын цэрэг байрлуулах шаардлагатай гэж үзэж Америкийн цэргийг нэмэгдүүлэх хүсэлтэй байгаагаа Ерөнхийлөгч А.Дуда нь өнгөрсөн намар илэрхийлж байсан юм. Москва харин Польшид Америкийн цэргийн тоо нэмэгдэх нь Орос-НАТО-гийн үндсэн баримт бичгийг зөрчиж байна гэж үзэж байна.