Катар улсад зэвсэглэсэн нөхөд төрийн эргэлт хийхээр оролдож нийслэл Доха хотноо буудлага, дэлбэрэлтийн чимээ сонсогдож байна гэж Ойрхи дорнодын хэвлэлүүд бичиж байна. Тэд Катарт цэргийнхний хооронд мөргөлдөөн болж, нийслэл хотын дээгүүр цэргийн нисдэг тэрэг эргэлдэж байна гэж байгаа ч албан ёсоор энэ мэдээллийг хэн ч батлаагүй байна.
Орон нутгийн шинжээчдийн үзэж байгаагаар төрийн эргэлт хийх оролдлогыг АНУ-ын Засгийн газраас авлигад буруутгаж байгаа өндөр албан тушаалтнууд зохион байгуулсан байх гэнэ. Катарт 2022 онд зохион байгуулах гэж байгаа хөлбөмбөгийн дэлхийн аварга шалгаруулах тэмцээний бэлтгэлтэй холбоотойгоор өндөр албаныхан авлига авсан дуулиан дэгдээд байгаа юм.
Төрийн эргэлт гарсан юм уу, оролдлого гарсан эсэх талаар Катарын засгийн газар ямар нэг тайлбар мэдээлэл хийгээгүй байна. Хэвлэлүүд, ялангуяа, Саудын Арабын зарим хэвлэл төрийн эргэлт хийх гэсэн оролдлогын талаар Катар улс нууцалж байна гэж бичиж байна. Юутай ч төрийн эргэлт хийх оролдлого гарлаа хэмээн “Чөлөөт хэвлэл” болон олон нийтийн сүлжээгээр мэдээлсээр байна.

ЭХ СУРВАЛЖ: "АРДЧИЛАЛ ТАЙМС" СОНИН