АНУ-д өнгөрсөн нэг хоногт 29 мянган хүн шинэ төрлийн коронавирусийн халдвараар өвчилсөн нь өмнөх өдрийн тохиолдлын бүртгэлээс 10-15 хувь бага байна гэж Жон Хопкинсын их сургуулийн судлаачид мэдээллээ. Өмнөх хоногт 34 мянган тохиолдол шинээр бүртгэгдэж байжээ. Энэ нэг хоногт 1426 хүн коронавирусийн халдварын улмаас нас барсан нь мөн өмнөх хоногийнхоос 521 хүнээр цөөн байна. Гэхдээ л АНУ-д коронавирусийн тархалт хүнд хэвээр, нийт өвчилсөн хүний тоо 1.1 сая байгаа бол нас барсан хүний тоо 66 мянгад хүрээд байна гэж Жон Хопкинсын их сургууль мэдээллээ. Тус сургууль коронавирусийн өвчлөлийн тухай мэдээллийг, холбооны болон муж, бүс нутгийн Засгийн газар, хэвлэл мэдээллийн хэрэгсэл зэрэг янз бүрийн эх сурвалжаас цуглуулж байгаа юм. Хамгийн сүүлийн мэдээгээр манай гаргийн 3.502.126 хүн коронавирус COVID-19-өөр өвчилж, 247.107 хүн нас бараад байна. Харин өвчний халдвар авсан ч эдгэрсэн хүний тоо 1.119.817 болжээ.