Сэтгүүлчийн шилдэг бүтээлд олгодог Пулитцерийн шагналыг Оросын эсрэг өгүүлэлд олгосныхоо төлөө шагнал олгох хороо асар том хариуцлага хүлээх ёстой боллоо гэж АНУ-д суугаа ОХУ-ын Элчин сайдын яам мэдэгдсэн байна. Энэ мэдэгдлээ дипломат албаныхаа Facebook хуудсанд нийтэлсэн байна. Энэ жил Пулитцерийн шагналыг ОХУ-ын Ерөнхийлөгч Владимир Путины эсрэг мөрдөн шалгах ажиллагааны тухай өгүүлэл бичсэн The New York Times сонинд олгосон. Энэ нь Оросын албаны хүмүүсийн удаа дараа няцаасан, “амьдрал өөрөө үгүйсгэсэн” Оросын эсрэг материалын төлөө энэ шагналыг олгосныхоо төлөө зохион байгуулах хороо хариуцлага хүлээх ёстой гэснийг РИА Новости агентлаг тэмдэглэжээ.

Оросын Элчин сайдын яам бас Америкийн хэвлэлийн энэ цуврал нийтлэл нь “Оросын эсрэг санаанаас зохиосон худал баримтын цуглуулга болж байна” гэж мэдэгдсэн байна. Пулитцерийн шагналд бас Аляскийн Anchorage Daily News сонины интернэтийн ProPublica хэвлэлтэй хамтран бэлтгэсэн Аялск дахь бэлгийн хүчирхийллийн тухай “Төрийн албанд зүтгэсний төлөө” нэртэй эрэн сурвалжлах нийтлэл нэр дэвшиж байсан. Пулитцерийн шагнал нь утга зохиол, сэтгүүл зүй, хөгжим театрын шилдэг бүтээлд олгодог 1917 онд бий болсон хүндтэй шагнал юм.

ЭХ СУРВАЛЖ: "АРДЧИЛАЛ ТАЙМС" СОНИН