Тэнд амьдарч байгаа сербүүдийг олон улсын хамтын нийгэмлэг хамгаалахгүй юм бол Серб өөрөө арга хэмжээ авч цэргээ Косовод оруулна гэж Сербийн Гадаад хэргийн сайд Ивица Дачич “Известия” хэвлэлд ярилцлага өгөхдөө мэдэгджээ.
“Олон улсын хамтын нийгэмлэг НҮБ-ын зөвлөмжийн хэрэгжилтэд анхаарал хандуулахгүй юм бол Серб довтлоход бэлэн байна” гэж И.Дачич мэдэгджээ. Тэр бас Косово болон Метохын асуудлаар улс төрийн дэмжлэг үзүүлж байгаа Орост талархал илэрхийлсэн байна.

Цагдаагийнхан болон Косово дахь серб оршин суугчдын хоорондох мөргөлдөөн тавдугаар сарын 28-нд эхэлж Косовогийн тусгай албаныхан хамгийн багаар бодоход 13 серб хүнийг баривчилсан юм. Сербүүд гудамжинд гарч бүр бэхлэлт босгон хамгаалсан ч галт зэвсэг хэрэглэж хоёр талаас хүмүүс шархадсан байна. Косово нь Сербиэс 2008 онд салан тусгаарлаж тусгаар тогтнолоо зарласан ч Орос, Хятад, Израиль, Иран, Испани, Грек улсууд үүнийг хүлээн зөвшөөрөхөөс татгалзсаар байгаа юм.
Серб болохоор Косово, Метохийн автономит хязгаар нь өөрийн нэг бүрэлдэхүүн, газар нутаг гэж үзсээр байгаа юм. Белград, Косовогийн хэлэлцээр 2017 оны гуравдугаар сард тасалдан зогсоод байгаа юм.