Афганистаны сөргөлдөөнийг зохицуулах АНУ-ын тусгай төлөөлөгч Залмай Халилазад өмнө нь Вашингтонтой байгуулсан яриа хэлээлцээрийг бүрэн хэрэгжүүлэх асуудлаар “Талибан” хөдөлгөөний төлөөлөөгчидтэй хэлэлцээр хийхээр Катарын нийслэл Дохаг зорилоо гэж АНУ-ын Төрийн департамент мэдээлжээ. Энэ хэлэлцээрээс гадна Халилазад Нью-Дели орж Энэтхэгийн, Исламабадад Пакистаны эрх баригчидтай уулзан Афганы сөргөлдөөнийг энхийн аргаар зохицуулахад энэ улсуудын гүйцэтгэх үүргийн талаар ярилцах юм байна. “Тэрээр очсон газар бүртээ афган хоорондын хэлэлцээрийн үйл явцыг түргэтгэх, хүчирхийллийг нэн яаралтай зогсооход дэмжлэг үзүүлэхийг улс орнуудын эрх баригчдад уриалах юм” гэж хэвлэлийн мэдээнд дурдсан байна.
АНУ-ын Засаг захиргаа “Талибан” хөдөлгөөнтэй удтал хэлэлцсэний эцэст тус бүс нутагт хүчирхийллийг зогсоож тус хөдөлгөөнийг Афганистаны хууль ёсны Засгийн газартай хэлэлцээр хийх асуудлаар хоёрдугаар сарын сүүлчээр эцэслэн тохиролцсон. Хэлэлцээрийн нэг чухал заалт бол босогчид болон Засгийн газар харилцан олзлогдогсодоо солилцох асуудал байсан. Энэ хүрээнд ч Кабул талибуудаас олзлогдон Пул-э-Чархи шоронд хоригдож байсан тус хөдөлгөөний 100 гишүүнийг тавдугаар сарын 2-нд сулласнаа мэдэгдсэн.

ЭХ СУРВАЛЖ: "АРДЧИЛАЛ ТАЙМС" СОНИН