Тосны ургамлыг нь Хятадууд авахгүй хэмээн хориг тавьснаас болж хохирч байгаа фермерүүдээ дэмжиж Канадын Засгийн газар 150 сая канад доллар буюу 113 сая ам.долларын нөхөн төлбөр олгох болсноо тус улсын Хөдөө аж ахуйн сайд Мари-Клод Бибо болон Олон улсын худалдааны эрсдэлийн асуудал хариуцсан сайд Жеймс Карра нар пүрэв гарагт мэдэгдсэн байна. “Энэ дэмжлэг олон улсын зах зээлд үүссэн эрсдэлийг бууруулахад тус болно” гэж сайд энэ үеэр тэмдэглэжээ. Хятадын импортлогчид Канадын тосны ургамлын үр худалдан авахаа зогсоолоо гэж өмнө нь мэдэгдсэн юм. Тэд “Канадаас орж ирж байгаа үр дотор аюултай  организм байгаа нь  Хятадын гааль дээр хэд хэдэн удаа илэрсэн” гэж мэдэгджээ. Харин Канадын Ерөнхий сайдын орлогч Жастин Трюдо Хятадын энэ үйлдлийг “тун буруу үйлдэл” гэж нэрлэсэн байна. Энэ нь Huawei компанийг тойрсон асуудал явсаар олон улсын худалдаанд нөлөөлж байгаа нь энэ гэж шинжээчид үзэж байгаа юм. Тосны ургамлын үр бол Канадын Хятадад экспортолдог гол бүтээгдэхүүн юм.