Агаарын хөлөг үйлдвэрлэгч “Boeing” корпорац Австралийн Цэргийн нисэх хүчний захиалгаар бүтээсэн анхны хиймэл оюун ухаан удирдах нисгэгчгүй байлдааны онгоцоо танилцууллаа гэж тус корпорацын Австрали дахь салбар мэдээлжээ. “Энэ Loyal Wingman аппарат нь Австралийн хатан хааны цэргийн нисэх хүчин болон бидний хамтын ажиллагааны хүрээнд түүхэн үйл явдал боллоо” гэж албан мэдээнд дурдсан байна. Агаараас галын дэмжлэг үзүүлэх үүрэг гүйцэтгэх зориулалттай хиймэл оюун ухаант, нисгэгчгүй энэ Loyal Wingman аппаратыг “Boeing” корпорац гурвыг бүтээсэн юм байна. Австралийн Батлан хамгаалах яам нисгэгчгүй онгоц бүтээх талаар өнгөрөгч онд “Boeing” компанитай хамтран ажиллах хүрээнд 40 сая ам.доллар төлөвлөлөө гэж мэдээлж байсан.

ЭХ СУРВАЛЖ: "АРДЧИЛАЛ ТАЙМС" СОНИН