“Оросын тухай болон өөрийг нь эгүүлэн татах үйл явцын тухай өгүүлэл нийтэлснийхээ төлөө хүртсэн” Пулитцерийн шагналаа буцааж өгөхийг “New York Times” сонинд АНУ-ын Ерөнхийлөгч Дональд Трамп уриалж байгаагаа өөрийнхөө “Твиттер” хуудсанд нийтэлсэн байна. Тэрбээр “Оросын тухай, Ерөнхийлөгчийг эгүүлэн татах тухай бичсэнийхээ төлөө ташаа мэдээлэл түгээдэг сэтгүүлчид Пулитцерийн шагнал хүртсэн нь шударга бус болохоор энэ шагналыг нөхцөл байдлыг зөвөөр илэрхийлдэг жинхэнэ сэтгүүлчдэд нь олгохын тулд эргүүлэн өгөх хэрэгтэй биш үү” гэж бичээд, Америкийн сэтгүүлчид ийм гавьяа байгуулаагүй гэжээ.
Цагаан ордны тэргүүн бас энэ шагналыг хүртэх гавьяатай сэтгүүлчийг өөрөө нэрлэхэд бэлэн байгаагаа мэдэгдсэн байна. Дональд Трамп дуулиан дагуулсан энэ шагналын талаар байр сууриа анх удаа илэрхийлж байгаа нь энэ биш. Үүний өмнө тэрээр өөрийнх нь сонгуулийн штаб оросуудтай яриа хэлэлцээр хийсэн талаар ямар нэг баримт нотолгоо байхгүй болохоор энэ талаар бичсэн хэвлэл мэдээллийн хэрэгсэл ийм шагнал хүртэх гавьяагүй гэж мэдэгдэж байсан.

ЭХ СУРВАЛЖ: "АРДЧИЛАЛ ТАЙМС" СОНИН