Хятадын хэвлэл мэдээллийн хэрэгсэлд бичсэнээр эхлээд Энэтхэгийн цэргийнхэн тодорхойгүй шалтгаанаар Хятадын хилчид рүү гал нээж долоон хүнийг шархдуулсан гэнэ. Энэтхэгийн цэргийнхний энэ түрэмгий үйлдлийн хариу болгож БНХАУ-ын цэрэг Энэтхэгийн тал руу пуужин харваж хөнгөн хуягт машиныг устган, дөрвөн цэргийг шархдуулжээ.
Энэ нь хоёулаа цөмийн зэвсэгтэй, олон жилийн турш сөргөлдсөөр ирсэн хоёр улсын хооронд цэргийн өргөн хэмжээний мөргөлдөөн гарахад тун дөхсөн үйлдэл боллоо гэж хэвлэлүүд бичиж байна. Азаар үйл явдлыг тодорхой үнэлж дүгнэн шуурхай яриа хэлэлцээр хийснээр дараагийн аюулаас сэргийлж чадсан гэнэ. Гэхдээ Энэтхэгийн цэргийнхэн Хятадын хяналттай газар нутаг руу буудаж, хөрш улсынхаа цэрэг дайчид руу яагаад дайрсан нь тодорхойгүй үлджээ. Мөн Энэтхэгийн уг үйлдлийн хариуд Хятадын тал ямар хүнд зэвсэг хэрэглэсэн нь тодорхойгүй байсан ч пуужингийн цогцолбор ашигласан нь төд удалгүй тодорхой болсон байна. Хятадын тал үүнийгээ урьдчилан анхааруулах зорилготой байсан гэж тайлбарлажээ.

ЭХ СУРВАЛЖ: "АРДЧИЛАЛ ТАЙМС" СОНИН