Өөрийнхөө эрэг орчмоос зэвсэг ачсан Колумбын тэнгисийн цэргийн хоёр ч хөнгөн хөлөг илрүүллээ гэж Венесуэлийн Үндэсний гварди мэдэгдсэнийг РИА Новости агентлаг дамжууллаа. “Боливар мужийн эрэг орчмоос багийн ямар ч хүнгүй орхисон, Колумбын тэнгисийн цэргийн тэмдэг, пулемёттой Boston Wheeler загварын гурван хөлөг оллоо” гэж Венесуэлийн Батлан хамгаалах яамны мэдээлэлд дурдсан байна. Хөлгийг тавдугаар сарын 9-ний өглөө цэргийнхэн эргүүл хийх үеэрээ илрүүлсэн гэж мэдээлэлд дурджээ.
Колумбын цэргийнхэн Венесуэль рүү довтлох гэсэн оролдлого таьдугаар сарын 3-нд тодорхой болсон. Венесуэлийн Ерөнхийлөгч Николас Мадурогийн хэлснээр энэ халдлагыг АНУ, Колумб ивээн тэтгэсэн гэнэ. Тэр бас Колумбын террористууд өөрийнх нь амь насанд халдах гэж байсан гээд саатуулсан хүмүүсийн дунд АНУ-ын Ерөнхийлөгч Дональд Трампын хувийн хамгаалалтын ажилтан, америкийн хоёр иргэн байсан гэжээ.
АНУ-ын армийн тусгай үүргийн дайчин байсан, цэргийн Silvercorp онцгой комиссын тэргүүний үүрэг гүйцэтгэгч Жордан Гудро бас Н.Мадурогийн амь насанд халдах ажиллагааг тавдугаар сарын 3-нд эхэлсэн гэж мэдэгдсэн байна. Үүний зэрэгцээ Америкийн цэргийн онцгой комисс Венесуэлийн сөрөг хүчинтэй хэлэлцээр хийсэн гэж “Washington Post” ойрын эх сурвалжаас мэдээлэл авлаа гэж бичиж байсан.

ЭХ СУРВАЛЖ: "АРДЧИЛАЛ ТАЙМС" СОНИН