Эдийн засаг, бизнесийг дэмжихэд одоо гурван тэрбум ам.доллар гаргах шаардлагатай байна гэж АНУ-ын Ардчилсан нам санал болгосныг АНУ-ын Конгрессын спикер Ненси Пелоси энэ сарын 12-нд мэдэгдсэнийг Politico хэвлэл мэдээлжээ. Хэвлэлийн мэдээлснээр коронавирусийн халдварын тархалт, хөл хорио, тусгаарлалтаас болоод унаж байгаа эдийн засгийг дэмжих ээлжит арга хэмжээ болгож гаргах энэ хөрөнгийн талаар АНУ-ын Конгрессын Төлөөлөгчдийн танхим энэ сарын 15-ны өдөр санал хураах юм байна.
Конгресс дэх Ардчилсан намын гишүүд эдийн засгийг дэмжихэд зориулж дөрвөн тэрбумын санал боловсруулсан байна. Энэ арга хэмжээний хүрээнд муж, орон нутгийн засгийн газарт туслах мөнгөн тусламж, түрээс болон, ипотекийн зээлийн хөнгөлөлт, хүнд нөхцөлд ажиллагсадын нэмэлт хөлс зэргийг тооцсон гэнэ. Энэ хуулийн төсөлд бүхий л санаачилга бүрэн багтаагүй, хамгийн чухал гэсэн томоохон тусламжийн хэлбэрүүдийг оруулсан гэж Конгрессын спикер онцлон тэмдэглэсэн байна. “Харьцангуй томоохон асуудлыг л энэ багцад багтаасан, бүх нарийн ширийнийг нэг хуульд багтаах боломж байсангүй” гэж Ненси Делоси тэмдэглэжээ. Харин Бүгд найрамдах намын төлөөлөгчид, АНУ-ын Ерөнхийлөгч Дональд Трамп эдийн засагт дэмжлэг үзүүлэх өмнөх багцыг гаргаад ердөө хоёр долоо хоног өнгөрч байна, тэгэхээр үүний үр дүнг харах арай болоогүй байхад ардчилагчид ийм санал гаргах ямар шалтгаан байгааг олж харахгүй байна гэж хариулж байна.

ЭХ СУРВАЛЖ: "АРДЧИЛАЛ ТАЙМС" СОНИН