ОХУ-ын Төрийн Думын гишүүн, Либерал ардчилсан намын дарга Владимир Жириновский Орост депутатуудын тоог хоёр дахин цөөлөх хэрэгтэй гэсэн санал дэвшүүлж байгаагаа өөрийн “Twitter” хуудсандаа энэ сарын 12-нд бичсэн байна. “Бид мөнгөө хэмнэж орон нутгийн парламентуудад нийгмийн зориулалтаар өгөх хэрэгтэй байна” гэж В.Жириновский мэдэгджээ. Түүнийхээр жилд 2-3 удаа сонгууль явуулж байна. Төрийн Думын сонгууль, завсраар нь орон нутгийн бусад хууль тогтоох байгууллагуудын сонгуулийн кампанит ажил өрнөж иргэдийг сонгуулийн санал хураах байранд цуглуулж байгаа гэнэ. Владимир Жириновский үүний өмнө өнөөгийн байдлыг би 20 жилийн өмнө урьдчилан харж байсан шүү гээд “20 жилийн өмнө танхимын хаалган дээр гар барихгүй, тэврэлдэхгүй” гэсэн бичээс өлгөж байснаа сануулжээ. “20 жилийн өмнө би өрөөнийхөө хаалган дээр “гар барихгүй, тэврэлдэхгүй” гэсэн зар нааж байсан шүү дээ. Өнөөдөр энэ бодит байдал дээр амьдралын шинэ дүрэм боллоо. Бүгдээрээ гэртээ сууж, тусгаарлалтын дэглэм зөрчихгүй байхыг уриалж байна” гэж В.Жириновский бичсэн байна.

ЭХ СУРВАЛЖ: "АРДЧИЛАЛ ТАЙМС" СОНИН