Хятадын хөөргөсөн Long March 5B пуужин зөөгчийн эхний угсраа саяхан Кот д’Ивуарын дээр унасан ч азаар хэн ч өртөж бэртэж гэмтээгүй байна. Одоо түүний нисч байгаа замыг тодорхойлж үзэхэд үлдэх хэсэг нь Америкийн Нью-Йорк юм уу, Лос-Анжелес дээр унаж ихээхэн хохирол учруулж магадгүй байна гэж эрдэмтэд тооцож гаргасныг NBC хэвлэл нийтэлжээ. “Энэ хэсэг дэлхийг сүүлийн удаа тойрохдоо яг Лос-Анжелес, Нью-Йоркийн дээгүүр ниснэ” гэж Смитсоновын одон орон физикийн төвийн мэргэжилтэн Жонатан Макдауэлл мэдэгдсэн байна.
Түүнийхээр бол пуужингийн эхний угсраа товлосон хугацаанаасаа 15-20 минутын өмнө салсан бол АНУ-ын хотууд дээр 160 км-ийн хурдтай унах байсан. “Энэ бол Нью-Йоркийг арай л газрын хөрснөөс арчихгүй, гэхдээ олон барилгыг сүйтгэнэ” гэж эрдэмтэн хэлжээ.
Мэргэжилтэн бас пуужингийн 20 тонн жинтэй хэсэг “тойрог замын нам өндөрт” байсан нь 30 жилийн хугацаанд агаар мандалд тохиож байгаагүй явдал гэж тэмдэглэсэн байна. Хятад пуужин зөөгч хүнд “Чанчжэн-5 B” (CZ-5B)-өө энэ тавдугаар сарын 5-нд Өмнөд хятадын тэнгис дэх Хайнань арал дээрх Вэньчан сансрын буудлаас хөөргөсөн. Шинэ үеийн жолоодлогот сансрын хөлгийн нэг жишээ болсон энэ хөлгийн гарааны жин 879 тонн юм.

ЭХ СУРВАЛЖ: "АРДЧИЛАЛ ТАЙМС" СОНИН