Оросуудын талаар таагүй үг хэлсэн Польшийн Ерөнхийлөгч Анжей Дудаг шүүмжилсэн сэтгүүлчийг ОХУ-ын сенатч Алексей Пушков дэмжиж байгаагаа илэрхийлсэн байна. АНУ-ын Ерөнхийлөгч Дональд Трамптай хамтран хийлгэсэн хэвлэлийн бага хурал дээр Польшийн Ерөнхийлөгч Анжей Дуда польшууд оросуудыг бодвол илүү эрэлхэг гээд “Юунаас ч үл хамааран эцсээ хүртэл тэмцэх чадвартай” гэсэн юм. Харин Польшийн сэтгүүлч Томаш Залевский түүнийг “ухангүй тэнэглэл”, сонсоод “ухаан алдах шахлаа” гэж шүүмжилжээ.
Харин А.Пушков “Польшийн тэргүүний Оросын эсрэг үгэнд сэтгүүлч ёстой унатал нь хариу өглөө. Түүнийхээр бол дайнд 20 сая хүнээ алдаж, Сталинградын дэргэд ялалт байгуулсан эрэлхэг ард түмнийг ингэж доош нь хийх нь “ёстой тэнэглэл” юм. Харин ч зөөлөн хэллээ” гэж твиттертээ бичсэн байна. Үүний өмнө сенатч А.Дудагийн хэлсэн үгний талаар польшийн ерөнхийлөгч түүхээс суралцах ёстой гэж байсан юм.