БНАСАУ-ын нийслэл Пеньянд эмнэлгийн барилга барихаар суурь ухаж байх үеэр Солонгосын дайны үеэс үлдэж хоцорсон тэсэрч дэлбэрээгүй хэдэн арван бөмбөг олж илрүүллээ хэмээн БНАСАУ-д суугаа Оросын Элчин сайдын яам өөрийн Facebook хуудсаараа дамжуулан мэдээлжээ. “Сайхан Пеньянд олон ортой эмнэлэг барихаар суурь ухаж байх үеэр Эх орны чөлөөлөх дайны үеэр дайснуудын хаясан дэлбэрээгүй хэдэн арван бөмбөг олж илрүүлсэн нь хүмүүсийг айдаст автууллаа” гэж Элчин сайдын яамны мэдээлэлд дурдсан байна. Нийтдээ дэлбэрээгүй тэсрэх бодис 50-ийг олсны дотор 50 кг, 250 кг-ын бөмбөг ч байсан гэнэ. Мэргэжилтнүүд бөмбөгийг аюулгүй болгож зөөвөрлөсөн байна. “Нийслэл хотын яг төвд тэсэрч дэлбэрээгүй ийм зүйл байгаа нь бидний амьдарч байгаа, империализмтэй сөргөлдөж байсан энэ газар дайснуудын манай ард түмний эсрэг үйлдэж байсан гэмт хэргийн талаар ямар үнэлэлт дүгнэлт өгч байгааг харуулж байна” гэж дипломатууд мэдээлэлдээ өгүүлсэн байна.
Умард болон Өмнөд Солонгосын хоорондох дайн 1950 оны зургадугаар сарын 25-наас 1953 оны долдугаар сарын 27-ныг хүртэл үргэлжилсэн. Пеньяны талд Зөвлөлт холбоот улс, Хятад, Сөүлийн талд АНУ болон Европын орнууд байлдсан юм. Дайны хугацаанд байлдаж байсан хоёр талаас нийтдээ 400 орчим мянган хүний амь хохирч хэдэн арван мянган хүн сураггүй алга болсон байдаг.

ЭХ СУРВАЛЖ: "АРДЧИЛАЛ ТАЙМС" СОНИН