Америкийн Лос-Анжелес дахь Калифорнийн их сургуулийн археологич Анджелесе Йахира Гонзалес, Кристина Ли нар Монголд малтлага хийж байгаад эртний хоёр эмэгтэй дайчны оршуулга булш олсон байна. Түүхчдийн үзэж байгаагаар хоёуланг нь эртний дайчин эмэгтэй Муланы домог эднээс үүдэлтэй байж болох юм хэмээн шинжлэх ухааны Live Science сэтгүүлд бичжээ. Эмэгтэйчүүдийн гарын эрхий хуруу эвэршсэн нь байнга нумын хөвч татаж байсныг, мөн гуяны арьс, ясны эс өөрчлөгдсөн нь тэд мөн л байнга морь унадаг байсныг харуулж байна гэж археологичид үзэж байгаа юм байна. Дайчин хүүхнүүд манай эриний өмнөх 147-552 он буюу Сяньби гүрний үед амьдарч байсан бололтой. Харваач дайчин Муланы тухай домог нь мөн энэ үед хамаардаг.
Хятадын түүхчдийн бичсэн домгоор (тэр үед Монголд өөрийн гэсэн бичиг үсэг байгаагүй) Мулан өөрийн эцэгтэйгээ хамт цэрэгт явж эрчүүдийн адил дайтаж, тэднээс ч илүү байлддаг. Тэр цагт дарга нар тэргүүн шугамд явж тулаанд ордоггүй байсан болохоор олон шилдэг дайчин тулаанд амь үрэгддэг байсан. Эмэгтэйчүүд ч эрчүүдийн нэгэн адил тулалдаж байсан гэж археологичид тодруулжээ.

ЭХ СУРВАЛЖ: "АРДЧИЛАЛ ТАЙМС" СОНИН