Руанда улсад 1994 онд хүмүүсийг хоморголон устгасан аймшигт гэмт хэргийн нь төлөө эрэн сурвалжилж байсан бизнесмен Фелисьен Кабуга гэгчийг Францад саатуулан баривчилсан байна. Телевизийн BFM сувгийн прокурорын газрын эх сурвалжаас авч мэдээлснээр Ф.Кабуга “Мянган толгодын чөлөөт радио телевиз” радио станцыг эзэмшдэг юм байна. Чухам энэ хэвлэл мэдээллийн хэрэгслийнхээ тусламжтайгаар тэрээр 1994 онд Руандад тутси, хуту омгийнхны дунд угсаатны сөргөлдөөн үүсгэж үзэн ядуулснаар мөргөлдөөн эхэлсэн гэж үздэг. Үүний зэрэгцээ Ф.Кабуга тутси нарын эсрэг гэмт хэрэг үйлдсэн “Интерахамве” отрядад тусламж болгон хөрөнгө мөнгө хуримтлуулж байсан юм байна.
Сэтгүүлчид Ф.Кабугаг “Манай гаргийн хамгийн их эрэн сурвалжлагдаж байгаа гэмт хэрэгтний нэг” гэж онцолжээ. Парис орчмоос Интерпол, Европын цагдаагийн агентлаг, Европын хэд хэдэн орон, АНУ, Руандагийн оролцоотойгор саатуулсан гэмт хэрэгтнийг одоо Олон улсын эрүүгийн шүүхэд шилжүүлэн өгөх аж. Хэдийгээр 26 жил өнгөрсөн ч гэсэн Фелисьена Кабугаг баривчилсан нь хүн амыг хоморголон устгаж үйлдсэн гэмт хэргийнх нь төлөө хариуцлага ногдуулах боломж бүрдүүлж байна гэж Олон улсын эрүүгийн шүүхийн прокурор Серж Браммерц хэлснийг ТАСС агентлаг дамжуулсан байна. Руандад 1994 онд хуту омгийнхны төлөөлөгчдөөс бүрдсэн түр Засгийн газар байгуулагдсаны дараа зэвсэгт мөргөлдөөн үүсч улмаар хүн амыг хоморголон устгах ажиллагаа болж хувирсан юм. Тутси, хуту омгийнхон бие иенээ хядаж эхэлснээр нийтдээ 800 мянга орчим хүн амь үрэгдсэн байдаг.

ЭХ СУРВАЛЖ: "АРДЧИЛАЛ ТАЙМС" СОНИН