Хонконгод үйл ажиллагаа явуулдаг Америкийн хэвлэл мэдээллийн хэрэгслийн үйл ажиллагаанд хөндлөнгөөс оролцох, нөлөөлөхийг оролдохгүй байхыг АНУ-ын Төрийн нарийн бичгийн дарга Майкл Помпео Хятадад анхааруулан мэдэгджээ. М.Помпео Америкийн сэтгүүлчид бол чөлөөт хэвлэлийн төлөөлөгчид гээд тэд сурталчилгаа хийх ёсгүй. Гагцхүү тэдний сурвалжилга нийтлэлээс БНХАУ-ын иргэд, дэлхий дахин энэ бүс нутагт юу болж байгааг мэдэж авдаг гэжээ. Аливаа шийдвэр нь Хонконгийн эрх чөлөө, автономыг баталгаажуулсан Хятад-Британийн хамтарсан тунхаг, Үндсэн хууль, “нэг улс, хоёр систем” статуст нийцэж байх ёстой гэж М.Помпео тэмдэглэсэн байна. Хонконгийн байдлыг Вашингтон эргэн харж магадгүй юм, гэхдээ энэ нь Бээжинд ашиггүй хэмээн РИА Новости агентлаг дамжуулжээ.

ЭХ СУРВАЛЖ: "АРДЧИЛАЛ ТАЙМС" СОНИН