Дмитрий Медведев тэргүүтэй ОХУ-ын Засгийн газрыг огцруулснаараа Ерөнхийлөгч Владимир Путин төрийн эргэлт хийх гэж байсан олигархиудын хуйвалдааныг бут цохиж таслан зогсоосон  гэж  философич, зохиолч Виталий Аверьянов үзэж байна. “Минийхээр өнгөрсөн арванхоёрдугаар сард Ерөнхийлөгч өөрийнх нь эсрэг олигархийн бүлэглэл, Д.Медведевийн Засгийн газрын гишүүд оролцсон өндөр албаны  хүмүүсийн  хуйвалдааныг бүрэн дарж хариугаа өгсөн” гэж зохиолч онцолжээ. “Ерөнхийд нь авч үзвэл Д.Медведевт тулгуурласан төрийн энэ эргэлт хийх оролдлого нь харин ч Үндсэн хуулиар засаглалыг бэхжүүлэх боломжийг хангаж өгсөн” гэж В.Аверьянов бичсэн байна. Коронавирусийн халдварын тархалтаас болоод хойшилсон ОХУ-ын Үндсэн хуулийн нэмэлт өөрчлөлтийн талаарх санал асуулгыг Ерөнхийлөгчийн Тамгын газар зургадугаар сарын 24-нд явуулахаар төлөвлөж байгаа хэмээн “Эхо Москва” хэвлэлийн ерөнхий редактор Алексей Венедиктов Telegram-даа бичсэн. “Коммерсант” хэвлэл бас энэ санал асуулга явуулах хугацааг зургадугаар сарын 24 юм уу, долдугаар сарын 8 байж магадгүй гэж бичсэн. 

ЭХ СУРВАЛЖ: "АРДЧИЛАЛ ТАЙМС" СОНИН