БНАСАУ-ын удирдагч Ким Чен Ун Солонгосын хөдөлмөрийн намын Цэргийн төв хорооны хуралдаан дээр хэлсэн үгэндээ тус улс цөмийн хүчин чадлаа бэхжүүлэх явдлыг хязгаарлаж, зөвхөн “Гарцаагүй болсон тохиолдолд” л стратегийн хүчээ ашиглах болно гэж мэдэгдсэнийг Умард Солонгосын мэдээллийн ЦТАК агентлаг дамжуулжээ. “Цөмийн дайнд бэлтгэхийг хязгаарлаж, улс орны стратегийн хүчний байлдааны бэлэн байдлыг дээд хэмжээнд байлгах зорилгоор шинэ арга хэмжээнүүд авлаа. Солонгосын ардын армийн артиллерийн галын цохилт өгөх чадварыг дээшлүүлэхийн тулд чухал арга хэмжээнүүд авч байна” гэж хэлснийг мэдээллийн агентлаг эш татсан байна. Ким Чен Ун дөрөвдүгээр сарын 11-нд олон нийтийн өмнө гарснаас хойш тавдугаар сарын 1 хүртэл ямар ч арга хэмжээнд оролцолгүй сураггүй байсан. Хэвлэл мэдээллийн зарим хэрэгсэл түүнийг өвдсөн, бүр нас барсан гэж мэдээлж байв. Тавдугаар сарын 1-нд тэрээр бордооны үйлдвэрийн нээлтэд оролцож, олны өмнө гарсан.

ЭХ СУРВАЛЖ: "АРДЧИЛАЛ ТАЙМС" СОНИН