Шинэ төрлийн коронавирусийн цар тахлын дараа хүн төрөлхтөн биологийн зэвсэг ашиглах эрсдэлтэй тулгарч мэднэ гэж Европын зөвлөлийн терроризмтэй тэмцэх албаны шинжээчид үзэж байна гэснийг Deutsche Welle хэвлэл мэдээллээ. Коронавирусийн цар тахлын дэгдэлт нь өнөөгийн нийгэм вирусийн өмнө тун эмзэг болохыг харууллаа. Үүнийг мэдэрсэн алан хядагч, хэт даврах бүлэглэлийнхэн өмнө нь халдлага дайралт хийхдээ хэрэглэж байсан аргуудаа өөрчилж биологийн зэвсэг хэрэглэхэд хүрэх шалтгаан болж мэднэ гэж шинжээчид үзжээ. Хэт даврагч зарим бүлэглэл биологийн зэвсэг хэрэглэж байсан түүх бий.
Тэгэхээр ийм аюулын эрсдэл нэмэгдэж байгаа өнөө үед Европын зөвлөлийн бүхий л орнууд үүний эсрэг авах шаардлагатай хариу арга хэмжээ боловсруулах хэрэгтэй хэмээн шинжээчид урьдчилан анхааруулсан байна. Үүний өмнө АНУ бас коронавирусийн дэгдэлтийн дараа шинэ төрлийн биологийн зэвсгийн эрсдэл бий болж магадгүй гээд Пентагон өөрсдийнх нь эсрэг хүчнүүдээс коронавирусийг биологийн зэвсгийн чанартайгаар хэрэглэх магадлалыг анхааралтай тандан судалж байгаа. Тагнуулынхан коронавирусийг биологийн зэвсгийн зориулалтаар АНУ-ын эсрэг ашиглах, магадлал, эрсдэл байна гэсэн дүгнэлтэд хүрсэн байна.

ЭХ СУРВАЛЖ: "АРДЧИЛАЛ ТАЙМС" СОНИН