Жил бүр уламжлал болон зохиодог Венецийн кино наадмыг энэ жил өөрчлөхгүй өмнө нь товлосон ёсоор есдүгээр сарын 2-12-ны өдрүүдэд зохион байгуулна гэж Италийн Тревизо мужийн амбан захирагч Лука Зайя мэдэгдлээ хэмээн РИА Новости агентлаг мэдээллээ. Венецийн 77 дахь кино наадам хэмээх олон улсын соёлын энэ том арга хэмжээг зохион байгуулах үеэр коронавирусийн цар тахал намдсан байна гэж зохион байгуулагчид үзэж байгаа юм байна. Итали улс уг нь коронавирусийн дэгдэлт хамгийн хүчтэй тархсанаас Итали улс Европтоо хөл хорио, хязгаарлалтын хамгийн хатуу дэглэм тогтоогоод байсан юм.
Коронавирусийн дэгдэлтээс болоод өмнө нь Каннын кино наадмыг зохион байгуулах хугацааг өөрчилсөн болохоор Венецийн наадмыг мөн өөрчилж магадгүй гэсэн яриа гарч байсан. Каннын наадмыг тавдугаар сарын 12-23-ны өдрүүдэд зохиох ёстой байсан ч коронавирусийн дэгдэлтийн улмаас зургадугаар сарын сүүлч, долдугаар сарын эхээр зохион байгуулахаар болж хойшлуулаад байгаа юм. Италид коронавирусийн халдвар өргөн тархсаны улмаас өвөл зохион байгуулдаг Венецийн багт наадмыг зохион байгуулалгүй алгассан юм. Ер нь коронавирусийн халдварын тархалтаас болоод Италид жуулчин бараг очихгүй байна.

ЭХ СУРВАЛЖ: "АРДЧИЛАЛ ТАЙМС" СОНИН