АНУ-ын Сангийн сайд асан Генри Полсон Америкийн төсвийн алдагдал, улсын өр хяналтгүй нэмэгдэж байгаагаас болоод ам.доллар дэлхийн дахины нөөцийн валют байх үүргээ алдаж магадгүй хэмээн Foreign Affairs хэвлэлд ярьжээ. Сүүлийн 80 жилд дэлхийн дотоодын нийт бүтээгдэхүүнд АНУ-ын эзлэх хувь 40 хувиас 25 хувь болтлоо буурсан гэнэ. Тэгэхээр Америкийн улсын өрийн өсөлт, төсвийн алдагдал гол асуудал болж байгаа юм гэж Г.Полсон үзэж байна. Өнөөдөр л гэхэд АНУ-ын Засгийн газар энэ бэрхшээлийг даван туулах уян хатан стратеги бодлого баримталж чадахгүй байна.
Гадаадын хөрөнгө оруулагчид АНУ-д зээл олгохоос татгалзаж харин ч Америкийн үнэт цаасыг худалдахаа гуравдугаар сард зарласан. АНУ-ын төсвийн алдагдал 1.5 их наяд ам.доллар болоод байгаа нь 2020 онд дөрвөн их наяд хүрч өсөх төлөвтэй байна. Энэ бүхний улмаас америк долларын монопол тун удахгүй эцэс болж дэлхий дахинд хоёр юм уу түүнээс ч илүү валют нөөцийн валют болно гэж Сангийн сайд асан Генри Полсон онцолж байна. Түүнийхээр дэлхий дахины валют болох магадлалтай валютын нэг нь юань гэнэ.

ЭХ СУРВАЛЖ: "АРДЧИЛАЛ ТАЙМС" СОНИН