Олон улсын сансрын станц руу хөөргөх Америкийн хувийн “SpaceX” компанийн жолоодлогот “Crew Dragon” хөлгийг цаг агаарын таагүй байдлаас болоод хөөрхөөс нь 17 минутын өмнө нисгэхгүй болгож хугацааг нь хойшлуулсан байна. Энэ хөлгөөр Америкийн сансрын нисэгч Даглам Хёрли, Роберт Бенкен нар хөөрөх ёстой байсан. “Цаг агаарын таагүй байдлаас болоод хөлөг хөөргөх хугацааг өөрчиллөө. Бид тавдугаар сарын 30-нд Америкийн зүүн эргийн цагаар өдрийн 15:22 цагт хөөргөнө” гэж нислэгийн удирдагч мэдэгджээ. “Цаг агаарын нөхцөл байдлаас болоод нислэгийг хойшлуулах шийдвэрийг нислэгийн удирдагч гаргасан гэж SpaceX компани мэдэгдсэн байна. Үүний өмнө болохоор сансрын буудлын цаг агаар судалгааны алба нь цаг агаарын нөхцөл байдлыг сайжиртал хөлөг хөөрөх хугацааг цаад тал н 10 минут л хойшлуулна гэж байсан.

Сансар судлалын NASA агентлагийн тэргүүн Жим Брайденстайн харин хөлөг Олон улсын сансрын станцад хүртэл цаг агаарын байдал сансрын нисэгч ямар ч аюулгүй байх ёстой гэж мэдэгджээ. “Өнөөдөр хөлгийг хөөргөхгүй. Хамгийн гол нь сансрын нисэгч Даглас Хёрли, Роберт Бенкен нарын аюулгүй байдлыг анхаарах ёстой” гэж Ж.Брайденстайн “Twitter” хуудсандаа бичээд дараагийн удаа хөлгийг тавдугаар сарын 30-нд Канавералын хошуун дахь сансрын буудлаас хөөргөнө гэсэн байна. Хөлгийг хөөргөхгүй байх шийдвэрийг зөөгч пуужингийн анхны угсраанд хүчилтөрөгч болон керосин оруулан цэнэглэж эхэлсэн, сансрын нисэгчдийн аюулгүй байдлыг хангах тохиргоо автоматаар ажиллаж эхэлсэн үед гаргажээ. Ийм болохоор аюулгүй байдлыг хангах тохиргоог гараар унтрааж байж сая сансрын нисэгчид хөлгөөс гарахад хүрсэн байна. Америкийн сансар судлалын NASA агентлаг олон дахин ашигладаг “Space Shuttle” хөлгөө ашиглахаа больсны дараа сансрын жолоодлогот хөлөг хөөргөхөө 2011 онд зогсоож Оросын “Союз” хөлгөөр л сансрын нисэгчдээ олон улсын сансрын станцад хүргэж байсан.

ЭХ СУРВАЛЖ: "АРДЧИЛАЛ ТАЙМС" СОНИН