Цагдаагийнхны хүчирхийллийг эсэргүүцэж Москвагийн Петровка дахь ОХУ-ын Дотоод хэргийн яамны дэргэд болсон эсэргүүцлийн хөдөлгөөний идэвхтнүүдийг баривчилж эхэллээ гэж өмгөөлөгч Дмитрий Захватов РБК хэвлэлд мэдэгдсэн байна. “Саатуулсан хүмүүсээс ганц Арина Киселевийг суллаад бусдыг нь “Замоскворечье” рүү авч явсан. Саатуулсан хүмүүсийг ачсан нэг машин Петровкад байгаа нь тэднийг хаашаа авч явах нь тодорхойгүй байна. Хоёр дахь машин хаашаа явахыг би одоо тодруулна. Мэдээж эхний машины явсан газраар л явах байх” гэж өмгөөлөгч хэлжээ. Өмгөөлөгчийн хэлж байгаагаар 13 хүнийг саатуулсны дотор зургаан эмэгтэй байгаа гэнэ. Саатуулагдагсадын нэг Егор Илюшин РБК хэвлэлд цагдаагийн төлөөлөгч яагаад өөрийг нь саатуулсан шалтгаанаа тайлбарлахгүй байсан гэж мэдэгджээ. Цагдаагийнхны хүчирхийллийг эсэргүүцсэн энэ хөдөлгөөн Екатеринбург хотноо 27 настай эрэгтэйг хэрэгт сэжиглэн баривчлах үеэр хөнөөсний дараа эхэлсэн юм. Зургадугаар сарын 1-ний шөнө Екатеринбург хотноо худалдааны төвд дээрэм хийхийг оролдсон эрэгтэйг саатуулах үед Росгвардын дайчид гал нээснээр сумны шарх авсан эрэгтэй нас барсан. Росгвардынхан сэжигтний гарт хутга байсан, бас шингэн бүхий баллонтай байсан нь хууль сахиулагчдад аюул учруулахаар байсан гэж тайлбарлаж байгаа.

ЭХ СУРВАЛЖ: "АРДЧИЛАЛ ТАЙМС" СОНИН