Жорж Флоидын хэрэгтэй холбоотой АНУ даяар дэгдсэн үймээн самуун дэгдсэн билээ. Энэ үеэр Нью Йорк, Филадельфи, Вашингтон зэрэг хэд хэдэн хот дахь Apple компанийн дэлгүүр халдлагад өртжээ.

Дэлгүүрийн үзүүлэнд ашиглагдаж байгаад хулгайлагдсан iPhone гар утаснуудыг тус компани алсаас ажиллагаагүй болгож, буцааж өгөхийг шаардсан мэдэгдлийг явуулж эхэлсэн байна.

Apple компани дэлгүүрүүдийн үзүүлэнд ашигладаг iPhone гар утаснууддаа тусгай программ суулгасан байдаг бөгөөд хулгайлагдсан тохиолдолд буцааж олж авдаг байна. Харин хүмүүст худалдсан шинэ iPhone-уудад ийм програм байхгүй гэнэ.

Коронавирусийн цар тахлын улмаас хэсэг хугацаанд Apple-ийн дэлгүүрүүд хаагдсаны дараа өнгөрсөн сараас эхлэн нээгдсэн юм. Харин өнгөрсөн долоо хоногт эхэлсэн арьс өнгөөр ялгаварлах үзлийн эсрэг тэмцлийн улмаас зарим дэлгүүрүүдээ дахин хаагаад байгаа ажээ.