Энэ зургадугаар сарын 9-ний өдөр Пеньян Өмнөд Солонгосын нийслэл Сөүлтэй холбодог холбооны шугамаа хаалаа гэж БНАСАУ-ын Мэдээллийн төв агентлаг ЦТАК мэдээллээ. Мэдээлэлд дурдсанаар энэ арга хэмжээ нь Өмнөд Солонгостой хамтын ажиллагаагаа хязгаарлах, “өөр бусад шаардлагагүй үйлдлүүдээ зогсоох” эхний алхам гэнэ. Энэ шийдвэрийг БНАСАУ-ын тэргүүний эгч, Солонгосын хөдөлмөрийн намын Төв хорооны хэлтсийн орлогч эрхлэгч Ким Ё Жон, СХН-ын Төв хорооны орлогч дарга Ким Ён Чхор нар гаргасан байна.
Өмнөд Солонгосын эрх баригчид умард, өмнөдийн харилцааг “төгсгөлд нь хүргэсэн” бөгөөд, хоёр орны хоорондох яриа хэлэлцээрт сэтгэл дундуур байна гэж БНАСАУ үзэж байна. Мэдээллийг агентлаг бас Умард Солонгосын бүхий л ард түмэн “Өмнөд Солонгосын эрх баригчдын урван тэрсэлсэнд бухимдаж байна” гэжээ. Пеньян хэдэн хоногийн өмнө Өмнөд Солонгосын Засгийн газар БНАСАУ-ын нутагт ухуулах хуудас хаяхаа зогсоож, умардын дүрвэгсэдийг өмнөд рүү зугтахад нь саад хийхгүй бол албаны холбоо харилцаагаа хаана гэж Сөүлд заналхийлж байсан юм хэмээн “Reuters” агентлаг сануулсан байна. Ийм мэдэгдлийг хатагтай Ким Ё Жон зургадугаар сарын 4-нд хийж байжээ.
Хоёр жилийн өмнө 2018 онд хамгийн анх хамтарсан албан байр нээснээс эхлээд Сөүлийн дуудлагад хариу өгөхгүй байсан гэж Солонгосын нэгдлийн яам бас зургадугаар сарын 8-нд мэдэгдсэн. Энэ нь БНАСАУ энэ салбараа хаах гэж байгаа хэрэг байж магадгүй хэмээн Yonhap агентлаг тэмдэглэсэн байна. Гэхдээ үдээс хойш нь БНАСАУ-тай холбогдсон ч Пеньянд өглөөгүүр болсон үйл явдлын талаар дурдаагүй өнгөрчээ. Умард Солонгосоос зугтаагчид болон Пеньяныг эсэргүүцэгч идэвхтнүүд Умард Солонгосын дэглэм, түүний удирдагчийг хурцаар шүүмжилсэн ухуулах хуудас бүхий бөмбөлөг хөөргөж хил давуулдаг юм. Энэ бөмбөлөгт заримд нь долларын дэвсгэрт, USB зэргийг бэхэлсэн байдаг хэмээн Yonhap тэмдэглэжээ. Хатагтай Ким Ё Жон үүнийг Пеньян, Сөүлийн хоорондох энхийн хэлэлцээрийг зөрчиж, дайсагнасан үйл ажиллагаа гэж нэрлэсэн байна.

ЭХ СУРВАЛЖ: "АРДЧИЛАЛ ТАЙМС" СОНИН