“Өмнөд Солонгосын засгийн газраас харилцаагаа бүрэн таслах цаг болжээ гэж би мэдэрч байна. Бид тун удахгүй дараагийн ажиллагаандаа шилжиж орно” гэж Умард Солонгосын удирдагч Ким Чен Уны эгч, Солонгосын хөдөлмөрийн намын Төв хорооны Суртал нэвтрүүлэг, ухуулгын хэлтсийн захирал Ким Ё Жон мэдэгдсэн байна. “Манай дээд удирдагч, манай нам, төр, засгийн газрын заасны дагуу дайсны үйлдэлд хариу болгож дараагийн ажиллагаанд шилжихийг би хэлтэстээ үүрэг болгосон” гэж Ким Чен Уны эгч хэлжээ.
Тэр бас “дайсны эсрэг дараагийн үйл ажиллагаа гүйцэтгэхийг армийн жанжин штабт өгч магадгүй” гэсэн байна. Ким Ё Жон цэргийн ажиллагааны талаар тодорхой юм хэлээгүй ч удахгүй бид ямар ч ашиггүй болоод байгаа Умард, өмнөдийн холбооны хамтарсан цэг эмгэнэлтэйгээр бүрэн сүйрэхийг харах болно” гэснээс үзэхэд энэ нь хилийн хот Кэсон дахь хамтын тасгийг устгах тухай байж болох юм. Солонгосын мэдээллийн төв агентлаг ЦТАК-ын мэдээлснээр бол холбоог таслах эхний алхам нь Сөүлтэй харилцдаг байсан холбооны бүхий л хэрэгслийг хаасан явдал. Өмнөд Солонгос “Умард руу ухуулах хуудас, бусад материал илгээхээ” зогсоохгүй бол Солонгос хоорондын холбооны салбарууд, бусад төслөө хааж зогсооно шүү хэмээн Пеньян хэдэн хоногийн туршид Сөүлд анхааруулсаар байсан юм.