Америкийн “Google” компанийн харьяалдаг дүрс бичлэгийн “YouTube” хостинг энд материалаа нийтэлдэг өнгөт арьстан зохиогчдыг дэмжих санг 100 сая ам.долларын хөрөнгөтэйгөөр байгууллаа хэмээн блогоороо дамжуулан мэдээлжээ. “Өнгөт арьстан уран бүтээлчдийн дуу хоолойг олон нийтэд хүргэх, тэднийг дэмжиж бүтээлийг нь түгээхэд чиглэсэн удаан хугацааны санг 100 сая ам.доллароор байгуулж байгаагаа өнөөдөр бид зарлаж байна” гэж мэдээлэлд дурдсан байна. Тус сан анхны төслөө нэр хүндтэй олон зохиогчийн хамтарсан зургадугаар сарын 13-нд болсон буяны зориулалттай концертын “Bear Witness, Take Action” арга хэмжээг ивээн тэтгэж санхүүжүүлсэн  байна. Бүх зардлыг арилжааны бус “Equal Justice Initiative” байгууллага гаргажээ. Үүнээс гадна “YouTube” энэ зургадугаар сард өөрийн албан ёсны сувгаар арьсны өнгөөр ялгаварлах асуудалд анхааарал хандуулсан боловсролын түүхийн контент цацахаар бэлтгэж байгаа гэнэ. Мэдээллийн технологийн салбарт ажилладаг өөр бусад компаниуд ч өмнө нь ийм санаачилга гаргаж байсан. “Apple” компани гэхэд л арьс өнгөний тэгш бус байдал, хүмүүсийг арьсны өнгөөр ялгаварлах, ялангуяа энэ нь боловсрол, эдийн засгийн салбарт цагаан арьстан илүү гэдэг явдал түгэн дэлгэхийн эсрэг санаа гаргаж энэ санд 100 сая ам.доллар өгөхөө амлаж байсан.