Пентагон Орос, Хятад улсууд сансраас учруулж болох ноцтой аюулд хариу өгөх батлан хамгалаах стратеги төлөвлөгөө боловсруулжээ. Энд өгүүлснээр энэ улс орнууд сансарт АНУ-ын эсрэг зэвсэг, бусад зэвсэглэл байрлуулж, бас байрлуулахыг хүсч байна гэж АНУ-ын Батлан хамгаалах яам үзэж байгаа юм хэмээн албан ёсны сайтдаа нийтэлжээ. Баримт бичигт энэ хоёр орныг сансраас “Стратегийн ноцтой аюул заналхийлж байна” гэж тэмдэглэсэн байна. “Хятад, Орос улсууд АНУ-ын болон холбоотнуудын цэргийн идэвхтэй байдлыг бууруулах, манай эрх чөлөөнд аюул учруулахаар сансарт зэвсэглэж байна” гэж Пентагон мэдэгдсэн байна. “Орос, Хятад улсууд сансрыг орчин үеийн дайны хамгийн чухал орон зай, ирээдүйн дайнд ялахын тулд АНУ-ын болон холбоотнуудын цэргийн идэвхтэй байдлыг бууруулах чухал хэрэгсэл гэж үзэж байна” гэж энэ баримт бичигт дурджээ. “Манай сөргөлдөгч нар сансрыг байлдааны талбар гэж үзэж байхад бид үйл ажиллагааныхаа стратеги, бодлогоо өөрчлөх ёстой” гэж Пентагоны тэргүүн Марк Эспер мэдэгдсэн байна.
АНУ-ын Ерөнхийлөгч Дональд Трамп өнгөрсөн тавдугаар сарын сүүлчээр АНУ ойрын үед “Аугаа зэвсэглэлтэй болно” гэж мэдэгдсэн юм. Гуравдугаар сард ч мөн сансрын хүчнийг танилцуулах ёслол дээр АНУ өнөөдөр байгаа ижил төрлийн зэвсгүүдээсээ 17 дахин илүү хурдтай “супер-пупер” пуужин бүтээхээр ажиллаж байгаа гэсэн. “Сансар бол батлан хамгаалах, бусад олон зүйлээр бидний ирээдүй” гэж Д.Трамп онцолж байв.

ЭХ СУРВАЛЖ: "АРДЧИЛАЛ ТАЙМС" СОНИН