Киргизийн шүүх тус улсын Ерөнхийлөгч асан Алмазбек Атамбаевыг гэмт хэргийн бүлэглэлийн толгойлогч Азиз Батукаевыг хууль бусаар сулласан хэрэгт буруутган 11 жил хоёр сарын хорих ялаар шийтгэлээ гэж “Sputnik Киргизия” хэвлэл мэдээлсэн байна. Шүүхээс А.Атамбаевыг энэ хэрэгт буруутай гэж үзэн хөрөнгө, бүх шагналыг нь хураах шийдвэр гаргажээ. Уг нь улсын яллагч А.Атамбаевыг жилийн хорих ялаар шийтгэхээр төлөвлөсөн юм байна. Азиз Батукаевыг 2006 онд 16 жил найман сар хорьж, хөрөнгийг хураах ялаар шийтгэсэн. Харин долоон жилийн дараа түүнийг “хүнд өвчний” улмаас хэмээн хугацаанаас нь өмнө суллажээ. Ийнхүү өршөөсөнд Ерөнхийлөгч асан А.Атамбаевыг буруутай гэж үзжээ. А.Атамбаевыг бас аллага, засгийн эрхийг булаан авсан, авлига, хууль бусаар хөрөнгөжсөн хэмээн буруутгасан байна. Өнгөрөгч 2019 оны наймдугаар сард Киргизийн тусгай албаныхан А.Атамбаевыг саатуулах үеэр түүний талынхан хууль сахиулагчидтай мөргөлдсөн.