Гадаад бодлогын тавцан дээр явуулж байгаа бодлогынх нь ялалтын улмаас Оросыг “Их найм”-ын бүрэлдэхүүнээс хасч байгаагаа АНУ-ын Ерөнхийлөгч Дональд Трамп мэдэгдсэн байна. Цагаан ордны тэргүүн бас Барак Обамагийн засаг захиргаанд Дэд ерөнхийлөгч байсан, Ерөнхийлөгчийн сонгуульд өөрийнх нь гол өрсөлдөгч болж байгаа Ардчилсан намаас нэр дэвшигч Жо Байденыг Москвад болох Их долоогийн уулзалтад урихгүй байхыг уриалжээ. Үүнийгээ тэрээр “The New York Times” сонинд Оросын тагнуулын алба “Талибан” хөдөлгөөнтэй холбоотой гэсэн нийтлэл гарсны дараа мэдэгдсэн байна. “Орос улс түүнийг болон Барак Обамаг засгийн эрхэнд байхад маш ихээр гутааж, тэгээд ч Б.Обама Оросыг “Их-8”-аас хасахыг хүсч байсан. АНУ тэгэхэд бүгдийн өмнө ялангуяа Оросын өмнө сул дорой байсан” гэж Д.Трамп твиттер хуудсандаа бичжээ.
Өнгөрөгч тавдугаар сарын сүүлчээр Дональд Трамп ирэх есдүгээр сард АНУ-д болох “Их-7”-ийн дээд хэмжээний уулзалтад Орос, Энэтхэг, Австрали, Өмнөд Солонгосыг урьсан. “The New York Times” сонин Оросын цэргийн тагнуулынхан “Талибан” хөдөлгөөний зэвсэгт дайчдыг Афганистан дахь Америкийн цэргүүд рүү халдах юм бол шагнана гэж санал тавьж байсан гэсэн мэдээллийг Америкийн тусгай албаны тодорхой хүрээний эх сурвалжаас авснаа нийтэлсэн. Гэхдээ үүнд ямар нэг нотлох баримт байхгүй байгаа аж. АНУ-д суугаа Оросын Элчин сайдын яам үүний төлөө эсэргүүцлээ илэрхийлж Америкийн эрх баригчдаас энэ талаар тайлбар өгөхийг шаардсан. ОХУ-ын Гадаад хэргийн яам ч энэ мэдээллийг худал гэж нэрлэсэн.
Хэт даврагч “Талибан” хөдөлгөөн ч бас дараа нь Оросоос хэрэгсэл авч байсан нь худал гэж няцаажээ. Цагаан ордон ч “The New York Times”-ын мэдээллийг “Яг тодорхой биш” гээд тагнуулынхан юуг ч нотлоогүй гэжээ. АНУ-ын тэргүүн Дональд Трамп үүнийг “ээлжит захиалга” гээд хэн ч баталж нотлохгүй, Афганистан дахь Америкийн цэргүүд рүү “Оросууд довтолсон талаар” манай захиргааны ямар ч албан тушаалтан надад илтгэж байгаагүй гэсэн байна. Дэлхийн тэргүүлэх гүрнүүдийн “Их-8” 1998-2014 онд ажиллаж байгаад Крымын эргэн тойрны асуудлаас болоод оролцогч орнууд Сочид болох дээд хэмжээний уулзалтад оролцохоос татгалзаж Оросгүйгээр Брюссельд уулзсанааар “Их-7” болж хувирсан. Улмаар барууны орнууд Оросыг Украины дотоод хэрэгт хөндлөнгөөс оролцож байна хэмээн буруутгаж Кремлийн эсрэг хориг тавьж эхэлсэн.

ЭХ СУРВАЛЖ : "АРДЧИЛАЛ ТАЙМС" СОНИН